Personal ANNecdotes

Hay, buhay... Buntunghininga!

Eto na naman po ako... Matapos kong ipahayag ang aking taos- pusong paghanga sa isang nilalang na itatago ko na lamang sa pangalang Lullaby, narito na naman ako upang muling magpahayag nang isang 'di inaasahang pangyayari sa buhay ko... At sangkot ang nilalang na nabanggit ko...



Sinamahan ko lamang si Bill noon para magpapirma ng isang kasulatan sa kanyang guro. Patungo kami noon sa P.E. Center at abalang-abala sa pag-uusap ukol sa mga personal na bagay na sa tingin ko ay di na dapat pang mabanggit sa blog na ito...



Bigla na lamang, walang kaanu-ano at wala ring kaabug-abog ay nakasalubong namin ang isang di inaasahang tao...



Si Lullaby!



Kasalukuyan ko namang dala-dala sa aking mga bisig ang dalawa kong anak na si Kuki (Cookie) at Ginger.



Akalain mo ba namang sabihan ako ni Sir na...



"Mangkukulam ka ba???"


At ang reaksyon ko nama'y...



"???"



Mukha ba akong mangkukulam na nangungulam sa pamamagitan ng mga manika? Hello! Ang cute-cute kaya ng mga anak ko para masabihang, "Ginagamit mo ba 'yan sa pangkukulam?"



Excuse me... Hindi pang voodoo ang mga manika ko...



Isa pa, masyado akong CUTE para maging isang mangkukulam...



Si Kuki at si Ginger ay hindi katulad ni Chelsea at lalo na ni Chaka doll...



Ayun...



The bottomline is...



Bakit n'ya sinabi iyon sa akin?



Natutuwa ba siya sa mga anak ko?



O natutuwa siya sa akin???



"???"